Кыргызстандык спортчу Акжол Махмудов Сауд Арабиясында өтүп жаткан Ислам тилектештик оюндарынын жарым финалына чыкты. Бул тууралуу мелдештин сайтында кабарланды.
Мекендешибиз грек-рим күрөшү боюнча 77 килограмм салмактагылар арасында күч сынашууда.
Ал 1/8 финалдан баштап, Тунис өкүлүн мөөнөтүнөн мурда жеңди.
Чейрек финалдык беттеште Акжол Махмудов египеттик балбан менен беттешип, 9:0 эсебинде жеңип, жарым финалга чыкты.
Азырынча анын атаандашы аныктала элек.
